Sulmuesi Franck Ribery, ka kërkuar nga Mario Gotze dhe Mario Mandzukic t’i bashkohen Fiorentinës.

Sipas Bild, ish ylli i Bayern-it është duke negociuar jo zyrtarisht me ish bashkëlojtarët, transmeton portali arbresh.info.

Të dy lojtarët janë të lirë, ngase Mandzukic ndërpreu kontratën me Al-Duhail, kurse Dortmund e ka lejuar Gotze-n të largohet.

Me dallim nga Ribery, të dy sulmuesit janë ende të ri dhe mund t’i nevojitën Fiorentinës.

Mandzukic e njeh mjaftë mirë Seria A, ngase ka kaluar pesë vite te Juventus-i.

Kurse, Gotze është gjithashtu i kërkuar edhe nga Atletico Madrid, por e njeh Ribery-n, me të cilin bashkëpunoi tre vite nga 2013 në 2016 te Bayern Munich.

Mbetet të shihet nëse dy lojtarët do e pranojnë këtë ofertë dhe do kalojnë te klubi italian./arbresh.info.